Entre o 26 e o 30 de Marzo de 2013, vai ter lugar o Foro Social Mundial en Tunez

Que é o Foro Social Mundial?

O Foro Social Mundial é un espazo democrático de debate de ideas, de análises e reflexión, de formulación de proposicións, de intercambio de experiencias e de articulación dos movementos sociais, redes, ONGs e doutras organizacións da sociedade civil que se opoñen ao neoliberalismo e á dominación do mundo polo capital e por toda forma de imperialismo. Despois do primeiro encontro mundial de 2001, este proceso mundial de procura e de construción de alternativas ás políticas neoliberais continuou. Este é un dos puntos da Carta de Principios do Foro Social Mundial.

O Foro Social Mundial caracterízase igualmente pola súa pluralidade e pola súa diversidade. Non é confesional, nin gobernamental, nin partidario. O que propón é facilitar a articulación, descentralizarse e, en forma de redes, de asociacións e de movementos comprometidos, tanto a nivel local como internacional, construír outro mundo a través de accións concretas, sen pretender encarnar unha instancia representativa da sociedade civil mundial. O Foro Social Mundial non é unha asociación nin tampouco unha organización.

Web oficial do Foro Social Mundial de Tunez 2013:
http://www.fsm2013.org/es

Web oficial do Foro Social Mundial
http://www.forumsocialmundial.org.br/
________