18D Xornada de Acción Global - Non máis mortes, nin desaparicións: 18 de decembro 2012 polos dereitos migratorios

18 de decembro 2012 - Xornada de Acción Global
¡MIGRAR PARA VIVIR!
¡NON MAIS MORTES NIN DESAPARICIÓNS!

Ademais de esixir a ratificación ou a aplicación da Convención polos Dereitos das Traballadoras e Traballadores Migratorios e os seus Familiares (asinada pola ONU o 18 de decembro de 1991), este ano consideramos importante dar visibilidade e denunciar conxuntamente a traxedia que cotidianamente sucede nas fronteiras. Cada día miles e miles de migrantes morren ou desaparecen na viaxe cara a un futuro mellor.

Dúas situacións entre as moitas que existen leváronnos a dar prioridade a este argumento. Por unha banda, a loita que están realizando os familiares da mocidade tunisiana que demandan aos estados de Italia e Tunez e á Union Europea a verdade sobre as circunstancias nas que faleceron ou desaparecido os seus fillos no mar mediterráneo, un dos mares mais controlados no mundo.

Por outro, a perseveranza das familias centroamericanas que desde fai anos organizan a "caravana da dignidade" ao longo da fronteira en busca dos seus seres queridos desaparecidos en tránsito por México. Son só dous exemplos dunha situación que se repite en moitas outras fronteiras.

O obxectivo é que novamente o 18 de decembro de 2012 se unan todas as campañas que xa se están realizando no mundo sobre este argumento e que a xornada de acción global volva transformarse nese espazo unitario para que se escoite no mundo enteiro un só berro que esixa verdade e xustiza sobre estas mortes e desaparicións.

Do que se trata é de que cada organización realice no seu país, rexión ou cidade unha iniciativa na que se denuncie a traxedia das mortes e desaparicións dos emigrantes. E de cada un fágao coas súas propias reivindicacións.

O que unirá todas estas iniciativas será o logo da xornada que poden descargar na pagina web. Ao que aspiramos é que a través da realización da xornada de acción global lógrese dar maior visibilidade ás actividades que cotidianamente realízanse en defensa dos dereitos d@s emigrantes e contribuír a construír maiormente un movemento global d@s emigrantes e de quen l@s sosteñen.

Esta páxina web da xornada de acción global funcionará como vitrina de todas as iniciativas e campañas que xa se están realizando ou se realizarán o 18 de decembro de 2012 sobre a traxedia d@s mort@s e desaparecidos migrantes.

Invitamos todas as organizacións e redes a que manden os links das súas páxinas web e os materiais sobre este argumento para que sexan publicados.

¡Unha xornada de acción global polos dereitos d@s emigrantes, refuxiad@s e desprazad@s é posible: o 18 de decembro 2012!

http://globalmigrantsaction.org/

|||||||||||||||||

Chamamento á solidariedade e convocatoria cidadá ante un desafiuzamento en Caranza

NON PERMITAMOS UNHA NOVA ESTAFA BANCARIA

Chamamento á solidariedade e convocatoria cidadá

O día 28 de setembro, Pilar e Manuel (64 e 68 anos de idade) veciños do barrio de Caranza van ser desafiuzados da súa vivenda. Despois de sufrir unha ESTAFA por parte do BBVA. Esta parella, leva vivindo máis de 35 anos no barrio.

Unha filla deles e o seu marido pediron un crédito hipotecario para unha vivenda.

Dentro do primeiro ano de vida do credito o marido faleceu, e a aseguradora non executou o seguro de vida vinculado ao préstamo. Entón o BBVA ante o temor de non cobrar  “obrigou” á filla a presentar uns AVALISTAS. Esta levou aos seus pais para avalar eses cartos coa vivenda familiar destes.

Cando eles entraron no BBVA para facer de avalistas para o crédito da filla saíron do banco como si eles fosen os PRESTATARIOS: COMO SI ELES FORAN OS QUE RECIBIRON ESES CARTOS.

Ningún dos dous apenas sabe ler, motivo polo que para o BBVA foi realmente fácil facer esta ESTAFA.

Manuel é un señor enfermo que depende de oxíxeno para respirar, e a muller tamén ten graves problemas de saúde. Son pensionistas e a súa pensión non chega ao salario mínimo interprofesional. Quedar sen vivenda e botalos á rúa coa súa idade e cos problemas de saúde que teñen, sería condena-los á pobreza absoluta e a súa exclusión social, mesmo a súa morte.

É unha obriga moral de todas as veciñas e veciños do barrio, e da Comarca, ser solidarios e máis nestes momentos de crise. Non se fala de axuda económica, senón de solidariedade e compromiso social.

Este é un chamamento para mobilizarse en defensa destes veciños:

• O martes, 25 de setembro, ás 11 da mañá diante da sede principal do BBVA na Praza do Callao en Ferrol.

• E o venres, 28 de Setembro, ás 11 da mañá, en Caranza, nas Rosas. Na praza que hai diante da Torre-I, Portal 9, da Rúa Alcalde Quintanilla.

Ferrol, a 21 de Setembro de 2012

Convoca a Rede de Apoio Mutuo de Ferrol Terra, conformada pola Comunidade Veciñal da Torre-I, veciñas e veciños, sindicalistas, asociacións culturais e sociais do barrio, varios partidos políticos, …

Esta é a nota que se elaborou na xuntanza aberta deste venres que tivo lugar en Caranza, onde se informou dos pasos dados e posteriormente debateu-se os pasos a dar co acordo da convocatoria de dúas concentracións unha na sede principal do banco -BBVA, en Ferrol e outra diante do edificio onde está a vivenda que se pretende alzar o vindeiro venres 28 de Setembro. E por outra banda continuar cos contactos para conseguir a paralización do desafiuzamento.

|||||||||||||||||||||||

Acción de 'Sen Papeis Ferrol' na Praza do Concello

Acción de protesta e denuncia ante as últimas medidas do goberno español contra o colectivo de inmigrantes. "Agora o Ministerio de Sanidade pretende que os inmigrantes suscriban unha póliza coa sanidade pública, cun custe superior a 700 euros anuais, para ter dereito á asistencia" di Pablo Vaamonde no seu artigo: Que se vaian!!

O colectivo 'Sen Papeis Ferrol', fixo un chamamento na pasada Asemblea Plenaria do Encontro Social de Ferrol Terra, celebrada o Luns 13 de Agosto, a todas as persoas e entidades que integran o mesmo para participar nesta Acción de Protesta e Denuncia contra estas medidas inxustas que, ademais de causar un grande prexuízo contra moitas persoas que conviven con nós, fomentan a xenofobia e a exclusión.

Diante do Pazo Municipal na Praza do Concello de Ferrol, o 31 de Agosto de 2012, de 11:00 a 13:00 horas.

PARTICIPA !!

||||||||||||||||||||||||||||||||

O vindeiro 7 de Xullo terá lugar a Asemblea Anual REAS Galiza (Rede de Redes de Economía Alternativa e Solidaria) en San Sadurniño

A Cooperativa Arméria está organizando a vindeira Asemblea Anual de REAS-Galiza que terá lugar o Sábado 7 de Xullo de 2012, na Casa da Cultura do Concello de San Sadurniño. A Asemblea propiamente dita terá lugar pola tarde. Pola mañá estará dedicada a dous temas de moita importancia para o traballo que estamos realizando na nosa Comarca na Rede de Apoio Mutuo. Trata-se dos segurosa éticos e por outra banda, da experiencia de entidades que se dedican á redución, reutilización e reciclaxe de residuos cun obxectivo de transformación social e de promoción da inserción sociolaboral de persoas en situación ou risco de exclusión social. Polo seu interese decideu-se dar a maior publicidade posíbel a este evento. Despois, o mesmo día, poderemos disfrutar na mesma zona do Festival do Río Castro que se celebrará na parroquia de Naraío no mesmo concello de San Sadurniño, ao cal quen quixer pode-se desprazar a xantar até alí que só está a uns oito quilómetros de distancia da Casa da Cultura. Quen quixer xantar na Casa da Cultura, ten que no tífica-lo na inscrición.

1ª Festa Intercultural en Ferrol organizada pola Asamblea Sen Papeis - 30 de Xuño de 2012

1ª Festa Intercultural en Ferrol organizada pola Asamblea Sen Papeis

Sábado, 30 de Xuño de 2012

Entre as 12:00 até 19:00 horas.
  
Traseira do Mercado de Caranza (Festa) e Local de Fuco Buxán (Mesa redonda)
  
A Asamblea Sen Papeis organiza unha xornada intercultural en torno á inmigración e convídavos a participar.

Esta xornada terá dos partes diferenciadas. A primeira parte será un espazo onde persoas compartirán os seus puntos de vistas en torno á inmigración e a segunda parte será máis lúdico-festiva e de convivencia. Farase un xantar comunitario (de balde) e concertos de persoas solidarias e comprometidas.

Cronograma:

30 de Xuño

12:00 a 14.00 horas:
Mesa redonda no local da Asociación Fuco Buxán na Rúa Armada Española nº32, Baixo. FERROL

    Participan:

    - Dúas testemuñas onde se conta a vivencia persoal dende que decidan emigrar do seu país, cara a un mundo desconoñecido para mellora-las súas condicións de vida, ate que chegan ao "Edén imaxinario".
    - Laura Bugallo. Recoñecida activista en Inmigración.
    - Carlos Varela. Asociación Lazos Pro Solidariedade.
    - María Teresa Bustamante (Abogada).


De 14.30 a 16.00 horas:
Xantar comunitario (de balde). O xantar é organizado e autoxestionado pola Asamblea Sen Papeis

De 16.00 a 19.00 horas:
Concerto no que actúan: Manolo Bacallao, Luis Culshaw, Bitxo Bola e outr@s artistas.

Agardamos por ti !

||||||||||||||||||

O BBVA Destrúe Postos de Traballo - Solidariedade cos traballadores do "Café-Bar O Carballo" de Caranza

O BBVA DESTRÚE POSTOS DE TRABALLO

NOVO DESAFIUZAMENTO, NOVO ABUSO, NOVA REPRESALIA

O BBVA decidiu  desafiuzar aos  traballadores do Café Bar O CARBALLO, pese a establecer  un acordo verbal con eles, polo que se lles adxudicaba o local  por un importe establecido. Agora vólvense atrás e pretenden quedarse co  establecemento, no que traballan catro persoas.

Tras manter conversacións con directivos da entidade  bancaria (BBVA), estes indícanlle a un dos empregados, Pedro Bastida,  que solicite un crédito.  Despois de hipotecar a súa vivenda consegue os recursos necesarios para liberar o local. En lugar de recibir a adxudicación, recibe a notificación do xulgado onde lle anuncian que o Café Bar O CARBALLO, ten que ser desaloxado antes do  mércores, 11 de abril.

Por qué actua así a entidade bancaria?, Por qué se ignora o anuncio do goberno no  que se plantexa a necesidade dun código de boas prácticas bancarias?, Qué prácticas?

O anterior propietario era Bernardo Bastida Sixto, o expatrón maior da confraría de pescadores de Ferrol. Moitas son as persoas que, especialmente o colectivo de  mariscadores,  saben do seu esforzo por defender, recupera-la ría e  por integrar a un gran número de mozos e mozas á vida social, en Ferrol Terra. Contra Bastida, desenvolveuse unha campaña de desprestixio co obxectivo de decapitar  a Confraría e aos traballadores do mar. Incluso se lle  someteu  a xuízo xunto a  outros compañeiros.

A  persecución á que foi sometido Bastida,  queda de manifesto cando, tras varios anos acusado de apropiación  de fondos,  agora  sabemos, por decisión do fiscal  e do xuíz, que se arquivan aquelas actuacións ¡É inocente daquela acusación!
Unha decisión política na que participaron a Xunta de Galicia e Reganosa, para perseguir a Bastida ate a  extenuación. A eles  se lles suma agora o BBVA, pretendendo que caia sobre a súa familia o peso da súa revancha. Non lles importa que se destrúan catro postos de traballo e catro familias queden sen o seu sustento de vida, nunha Comarca onde 1 de cada 5 persoas en condicións de traballar non teñen onde facelo. É difícil de entender que non se admita pagar a quen o desexe, tendo medios para facelo.
  
Coa situación actual da Comarca,  que posúe un nivel tan alto de desemprego, non nos podemos permitir a desaparición de catro postos de traballo. Máis, tendo en conta que hai vontade de negociación e de pagamento da débeda.

Por esa razón, decidimos emprender unha campaña de solidariedade cos catro traballadores do  Café Bar O Carballo e denunciar esta represalia contra eles.
 
MARTES, 10 DE ABRIL, ÁS 12 Hrs.
Concentración diante da oficina central do BBVA
Praza do Callao (Ferrol)
¡¡ ACODE!!

Convoca: Comisión de apoio aos traballadores do Café-Bar “O Carballo”

||||||||||||||||||

Así foi o Acto de Solidariedade, o sábado 17 de Decembro de 2011, con Lazos Pro Solidariedade Comité Anti-Sida de Ferrol Terra, no véspera do Día de Acción Global contra o racismo e polos dereitos das persoas migrantes, refuxiadas e desprazadas - Galerías Fotográficas e Vídeos

Encadrado dentro da Acción Global contra o racismo e polos dereitos das persoas migrantes, refuxiadas e desprazadas, desenvolveu-se na nosa pequena e depauperada cidade, un acto de solidariedade con Lazos Prol Solidariedade Comité Anti-Sida de Ferrol Terra. Un acto festivo e reivindicativo que contou coa presencia, perante toda a mañá de moitas persoas. Poesía, música e petiscos acompañaron á acción reivindicativa. Palabras de solidariedade e compromiso coa causa da xustiza social e do apoio mutuo.



http://youtu.be/jt9X_UgGF9Q

http://youtu.be/G0euOWl9nB8

Galerías Fotográficas

Galería de Susete'70

Galería 1 presentación de diapositivos

Galería 2 fotos en alta resolución

Galería do Foro Galego de Inmigración e do Colectivo Ártabra 21

Galería 1 Presentación de diapositivos

Galería 2 Fotos en alata resolución

As asociacións A.C. Fuco Buxán, Asociación Veciñal de Esteiro, Ateneo Ferrolán, Colectivo Ártabra 21, Colectivo Opaii - Rádio Filispim, Foro Galego de Inmigración e o propio Comité AntiSida de Ferrol Terra - Lazos Pro Solidariedade realizamos un acto de solidariedade con esta última organización que desenvolve a súa actividade na nosa Comarca.

Lazos é unha asociación sen ánimo de lucro, de persoas afectadas polo VIH, fundada en novembro de 1995 en Ferrol, que ven denunciando que os recortes nas prestacións sanitarias están afectando a sectores desfavorecidos da nosa comarca, entre eles o colectivo de inmigrantes.

Denuncian ademais que, no caso das persoas afectadas polo VIH, que se encontran en situación máis vulnerable, estase a detectar unha falta de cobertura sanitaria básica, repercutindo directamente na súa calidade de vida, na súa precaria economía e favorecendo a exclusión social, por motivos de saúde.

Na nosa comarca acollen cada ano un pequeno número de persoas inmigrantes. Entre elas, moitas orixinarias de Senegal. Un 17% da poboación senegalesa padece hepatite. O comité Lazos, leva nos últimos anos enfrontando desde a solidariedade e a axuda mutua, as dificultades que todas estas persoas que se achegan a nosa comarca, encontran para sobrevivir.

É por iso polo que realizamos o acto de solidariedade co citado colectivo, agora, cando sopran ventos desfavorábeis para os dereitos, o respecto e as liberdades, é cando máis o necesitan.

O acto tivo lugar a véspera do Día Internacional das Persoas Inmigrantes, un acto lúdico e reivindicativo onde dimos a coñecer todas estas realidades e unir vontades para resolvelas.

* * *

Agradecemento Colectivo polo acto lúdico reivindicativo celebrado o pasado sábado 17, en solidariedade coa nosa Asociación

Benqueridos/as compañeiros/as,

En nome da nosa entidade, quero agradecervos a tódalas persoas, entidades e colectivos que participástedes no acto lúdico-reivindicativo do pasado sábado 17. Todas e todos fixéchedes posible o acto .

Non temos o correo electrónico de tódolos colectivos e persoas participantes polo que prego lle reenviedes este correo para facerlles chegar o noso agradecemento. Esperemos que este acto sirva como punto de partida para futuras colaboracións.

Moi agradecido, vos saúda

19 de dezembro de 201

Carlos Varela
Presidente de Lazos Pro Solidariedade Comité antisida de Ferrol


LAZOS pro Solidariedade-Comité antisida de Ferrol Asociación de afectados/as polo VIH e as drogas Vogal territorial de Galicia en CESIDA.
Dirección web: http://comitelazos.blogspot.com
Dirección sede: Avda. Dr Fleming 8-10 Baixo
15401 Ferrol ( A Coruña )
Tfno./Fax 981350777
Tfno. Móvil :698147975

Fonte: Canle de Ártabra 21

Consello Local do Foro Social de Ferrol Terra

____________________